Drone estabilizatuak gidatzeko sarrera. Lehen urratsak
Inoiz dron batekin hegan egin ez baduzu, hasiera batean kontrol ezberdinek nahasgarriak dirudite. Lasai, jarraian egingo dugu azalpen laburra. Hala ere, jakin, horiek ikastea erraza dela oinarrizko printzipioak ulertu ondoren. Hona hemen drone estabilizatu batekin hegan egiteko erabiltzen diren kontrol nagusien banaketa:
Gailua kontrolatzeko mandoaren ezkerraldean kokatzen den joystikaren mugimendu bertikalak dronaren altitudea kontrolatzen du. Azeleragailua gorantz bultzatzeak drona igoarazten du, eta beherantz tira egiteak, berriz, jaistera.
Gailua kontrolatzeko mandoaren ezkerraldean kokatzen den joystikaren mugimendu horizontalak dronaren errotazioa kontrolatzen du. Makila ezkerrera edo eskuinera mugitzeak norabide horretan birarazten du drona.
Gailua kontrolatzeko mandoaren eskuinaldean kokatzen den joystikaren mugimendu bertikalak dronaren aurreranzko eta atzeranzko mugimendua baldintzatzen du. Makila aurrera bultzatzeak dronea aurrera mugiarazten du, eta atzera botatzeak atzera eginarazten du.
Gailua kontrolatzeko mandoaren eskuinaldean kokatzen den joystikaren mugimendu horizontalak dronaren alderik aldeko mugimendua kontrolatzen du. Aleroia ezkerrera edo eskuinera mugituz gero, drona inklinatu egingo da eta dagokion noranzkoan mugituko da.
Dronak gidatzeko esku fina izateko ordu asko behar dira, dronak gidatzen ikasteko erarik onena dronak gidatzea da. Ez dago beste misteriorik. Indoor drone txikiak lehen urratsak emateko aukera paregabea dira.