Ongi etorri Drone eta urrutiko gailuen tinker eskola irekira. Webgune honen helburua drone, eta, orohar, urrutiko gailuen teknologia euskaraz modu irekian gizarteratzea da.

Zergatik dronen inguruko beste webgune bat?

Dronak eta urrutiko gailuak hazkunde handia izaten ari dira, tamalez, euskaraz ez dago ia informaziorik atzigarri. Dronen eta urrutiko gailuen inguruan euskarazko dibulgazioa egiteko helburuarekin ekin diogu proiektu honi, interesa partekatzen dugunon artean teknologia honen itzalean dauden kontu guztiak modu erraz batean gizarteratzeko.

Zein helburu jorratuko dira?

Drone eta urrutiko gailuen tinker eskola irekiak aipatutako teknologiarekin lotutako edozein gairen inguruan egingo du dibulgazioa euskaraz. Hasiera batean, bereziki landuko ditugun gaiak: i) dronen arauak eta erregulazioa, ii) hardwarea eta horien eraikuntza, eta iii) FPV (First Person View delako) dronak izango dira. Ondorioz, dronak nola eraikitzen diren eta nola erabili daitezkeen azaltzen ahaleginduko gara. Era berean, webgunea ez dago drone komertzialei bideratua, ez eta dron komertzial edo zinematikoak erabilita egin daitezkeen ikus-entzunezko lanetara bideratua.